ఓడిపోవాలని కోరుకుంటూనే

యుద్ధం చేస్తున్నా ! నా హృదయంతో .....


తన నిండా నింపుకున్న నీ తలపుల్ని

తుడిచెయ్యాలని.......

యుద్ధం చేస్తున్నా ! నా కళ్ళతో

నాలోని నీ రూపుని కన్నీరుగా

తోసెయ్యాలని .......

యుద్ధం చేస్తున్నా ! నా పెదవుల్తో

పలకొద్దని నీ పేరుని

పదే పదే ......

కానీ ప్రతి సారీ ఓడిపోతున్నా

సర్వాంతర్యామివై నన్ను వేధిస్తున్నావ్

ఐనా నేను గెలవాలని ప్రయత్నిస్తున్నా ....

ఓడిపోవాలని కోరుకుంటూనే .........